Plantun de Prouvènço

Pèr coumpara dos planto d'encò nostre

Lythrum salicaria & Colutea brevialata

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Baganaudié(-de-Franço)

Colutea brevialata

Fabaceae Leguminosae

Àutri noum : Brouteirolo, Faus-sené, Cascavèu, Glou-glou, Pan-pan.

Nom en français : Baguenaudier de France.

Descripcioun :
Aquéu baganaudié, un pau mai pichot que soun cousin, Colutea arborescens trachis dins li blachiero caudo sus cauquié. Se recounèis à si jóuini fru pelous (fotò) e peréu à si flour pu pichoto e à si fueio qu'an mens de fueioun, generalamen (4 à 7 en liogo de 6 à 12). Coumpara emé lou baganaudié.

Usanço :
Coume lou sené si grano soun purgativo, mai avisas-vous de n'en pas trop prendre.

Port : Aubre
Taio : 0,8 à 2 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Colutea
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) enflourejado : 12 mm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à jun

Liò : Brachiero - Bouissoun
Estànci : Termoumediterran à Coulinen
Couroulougi : Éuroupenco-Sud
Ref. sc. : Colutea brevialata Lange, 1862 (= Colutea arborescens subsp. gallica Browicz, 1963 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Lythrum salicaria & Colutea brevialata

CCC

Coumpara Tè-di-paure emé uno autro planto

Coumpara Baganaudié(-de-Franço) emé uno autro planto